Davlat soliq qo‘mitasi soliq to‘lovchining hisobotida xato va to‘liq bo‘lmagan ma’lumotlar aniqlanganda qanday yo‘l tutilishi haqida ma’lumot berdi.
Qayd etilishicha, soliq to‘lovchi yoki soliq organi tomonidan ilgari taqdim etilgan soliq hisobotida soliqning hisoblangan summasini kamaytirib ko‘rsatishga (o‘zgartirishga) olib kelgan noto‘g‘ri yoki to‘liq bo‘lmagan ma’lumotlar, xatolar aniqlangan bo‘lsa, soliq to‘lovchi aniqlashtirilgan soliq hisobotini taqdim etadi. Soliq organi tomonidan soliq hisobotini taqdim etishdagi nomuvofiqlik, xatolar tekshiruvdan oldingi tahlil natijasida ham, kameral soliq tekshiruvi natijasida ham aniqlanishi mumkin.
Tekshiruvdan oldingi tahlil davomida nomuvofiqliklar aniqlansa, soliq to‘lovchiga shaxsiy kabinet orqali xabarnoma va kameral soliq tekshiruvi natijalari bo‘yicha esa soliq hisobotiga tegishli tuzatishlar kiritish to‘g‘risida so‘rovnoma yuboriladi.
Soliq to‘lovchi birinchi holatda, 10 kunlik muddatda, ikkinchi holatda esa 5 kun ichida aniqlashtirilgan soliq hisobotini yoki aniqlangan tafovutlarning asosnomasini taqdim etishi lozim.
Prezident farmoniga muvofiq, 2022-yil 1-yanvardan kameral soliq tekshiruvi natijalari bo‘yicha aniqlangan huquqbuzarliklar uchun moliyaviy sanksiyalar qo‘llanilmaydi.
2022-yil 1-avgust holatiga ko‘rilgan nazorat tadbirlari natijalariga ko‘ra, 38,2 ming soliq to‘lovchi tomonidan taqdim etilgan soliq hisobotlarida 3 trillion so‘mlik tafovutlar aniqlangan. Soliq to‘lovchilarga yo‘l qo‘yilgan xato va nomuvofiqliklarni ixtiyoriy ravishda tuzatish imkoniyati berilishi natijasida ularga 609 milliard so‘mlik moliyaviy jarimalar qo‘llanilmagan.
Mavzuga doir:
- Soliq tushumlari barqaror o‘smoqda: O‘zbekistonda so‘nggi besh yilda tadbirkorlar faoliyati baholandi
- “Tadbirkorlar kredit, subsidiya va soliq bo‘yicha ko‘p murojaat qilmoqda” – Investitsiya vaziri o‘rinbosari Aziz Voitov
- O‘zbekistonda tadbirkorlik subyektlarining aylanmasi bir yilda 127 foizga o‘sdi
Izoh (0)