19-avgust kuni Qoraqalpog‘istonda sodir bo‘lgan tartibsizliklarni o‘rganish bilan shug‘ullanuvchi komissiya a’zolari Qoraqalpog‘iston Respublikasidagi huquq faollari Azimbay Ataniyazov va Arslanbay Utepov hamda “Fuqarolik tashabbuslarini qo‘llab-quvvatlash” NNT QR bo‘limi boshlig‘i Gulsara Jollibekova bilan uchrashdi. Bu haqda komissiyaning Telegram’dagi kanalida xabar qilindi.
Ta’kidlanishicha, huquq faollari tomonidan Konstitutsiyaviy islohotlar boshlanganidanoq bir nechta onlayn platformalar ishga tushirilgani va bu vositalarning barchasi aholining taklif va mulohazalarini bildirishlari uchun amalga oshirilgan zarur tadbirlar hisoblanishi qayd etilgan. Muhokamalarda fuqarolarni tashqi kuchlar tomonidan boshqarish hamda moliyalashtirish masalasi ham ko‘tarilgan.
Muhokamalarda namoyishga oldindan tayyorgarlik ko‘rilgani yoki to‘satdan norozilik kayfiyati uyg‘onishi sabab yuzaga kelgani bo‘yicha muloqot bo‘lib o‘tgan. Aholiga o‘zining xohish-irodasini bildirishi uchun zarur chora-tadbirlar ko‘rilgani xususida fikr bildirilgan.
Muhokamalar jarayonida fuqarolarni tashqi kuchlar tomonidan boshqarish hamda moliyalashtirish masalasi ham ko‘tarilgan.
Shuningdek, namoyishchilarning ichki kechinmalari va aholini tinchlantirish uchun huquq tartibot idoralari tomonidan ko‘rilgan choralar bo‘yicha jamoatchilik fikri o‘rganilgan. Bunda asosiy e’tibor inson huquqlarini buzish va shaxs erkinliklariga to‘sqinlik qiluvchi holatlarni aniqlashga qaratilgan.
Uchrashuvda huquq faollari va NNT vakilining barcha fikrlari diqqat bilan tinglangan, kerakli ma’lumotlar olingan. Hozirda qo‘lga kiritilgan ma’lumotlar tegishli tartibda o‘rganilmoqda.
Izoh (0)