Yevrohududda iste’mol narxlari iyul oyida yillik hisobda 8,9 foizga oshdi. Bu haqda Yevropa statistika boshqarmasi ma’lumotlariga tayanib, “Interfaks” xabar bermoqda.
Bu ko‘rsatkich ma’lumotlarni hisoblash boshlangan beri maksimaldir. Iyun oyida mintaqadagi inflyatsiya 8,6 foizga bo‘lgan edi.
Inflyatsiya Yevropa Markaziy bankining (ECB) 2 foizlik ko‘rsatkichidan to‘rt baravar yuqori bo‘lmoqda.
Eurostat ma’lumotlariga ko‘ra, energiya narxlari o‘tgan yilning iyuliga nisbatan 39,6 foizga oshgan, biroq o‘sish sur’ati bir oy oldingi 42 foizdan pasaygan.
Oziq-ovqat, alkogol va tamaki mahsulotlari 9,8 foizga (iyun oyida 8,9 foizga), sanoat mahsulotlari 4,5 foizga (iyun oyida 4,3 foizga), xizmatlar 3,7 foizga (iyun oyida 3,4 foizga) qimmatlashdi.
Oziq-ovqat va energiyadan tashqari iste’mol narxlari o‘tgan oyda iyun oyidagi 3,7 foizdan 4 foizga o‘sdi.
Yevropa Ittifoqida eng past inflyatsiya Malta (6,8 foiz), Fransiya (6,8 foiz) va Finlyandiyada (8 foiz), eng yuqori inflyatsiya Estoniya (23,2 foiz), Latviya (21,3 foiz) va Litvada (20,9 foiz) qayd etilgan.
Avvalroq Buyuk Britaniyada narxlar oshishi 40 yillik rekord darajaga yetgan edi
Izoh (0)