Surxondaryoda bank xodimlari fuqaroning kartasidan qariyb 50 mln so‘mni yechib olgani aniqlandi

Surxondaryo viloyati Oltinsoy tumanida bank xodimlari fuqaro bank kartasidan pullarini o‘g‘irlagani aniqlandi. Bu haqda IIV Kiberxavfsizlik markazi matbuot xizmati xabar berdi.

Ma’lum qilinishicha, Oltinsoy tumanida yashovchi fuqaro O.S. ariza bilan murojaat qilib, o‘ziga tegishli bo‘lgan Humo bank kartasida bo‘lgan jami 48 640 550 so‘m miqdoridagi pullar noma’lum shaxslar tomonidan yechib olinganligini bildirgan.

Olib borilgan tezkor-qidiruv tadbirlari natijasida uning bank kartasidan pullarini o‘g‘irlagan shaxslar “Agrobank” Oltinsoy tumani bo‘limi xodimlari Q.SH. va A.S. ekanligi aniqlangan.

Ularga nisbatan Jinoyat kodeksiing 169-moddasi bilan jinoyat ishi qo‘zg‘atilib, tergov harakatlari olib borilmoqda.

Mavzuga doir:

• Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
• Qashqadaryoda bank xodimlari 150 nafar fuqaroning pensiya va nafaqa pullarini talon-toroj qilgani aniqlandi