Сурхондарёда банк ходимлари фуқаронинг картасидан қарийб 50 млн сўмни ечиб олгани аниқланди

Сурхондарё вилояти Олтинсой туманида банк ходимлари фуқаро банк картасидан пулларини ўғирлагани аниқланди. Бу ҳақда ИИВ Киберхавфсизлик маркази матбуот хизмати хабар берди.

Маълум қилинишича, Олтинсой туманида яшовчи фуқаро О.С. ариза билан мурожаат қилиб, ўзига тегишли бўлган Humo банк картасида бўлган жами 48 640 550 сўм миқдоридаги пуллар номаълум шахслар томонидан ечиб олинганлигини билдирган.

Олиб борилган тезкор-қидирув тадбирлари натижасида унинг банк картасидан пулларини ўғирлаган шахслар «Агробанк» Олтинсой тумани бўлими ходимлари Қ.Ш. ва А.С. эканлиги аниқланган.

Уларга нисбатан Жиноят кодексиинг 169-моддаси билан жиноят иши қўзғатилиб, тергов ҳаракатлари олиб борилмоқда.

Мавзуга доир:

• Андижонда банк ходимлари банкоматларга жойлаштириш учун ажратилган 111 млн сўмни ўзлаштиргани аниқланди
• Қашқадарёда банк ходимлари 150 нафар фуқаронинг пенсия ва нафақа пулларини талон-торож қилгани аниқланди