Navoiy viloyati G‘ozg‘on shahrida imtiyozli kredit mablag‘ini o‘zlashtirgan ish yurituvchi aniqlandi. Bu haqda Iqtisodiy jinoyatlarga qarshi kurashish departamenti ma’lum qildi.
Ma’lum bo‘lishicha, Bosh prokuratura huzuridagi departamentning G‘ozg‘on shahri bo‘limi tomonidan tergovga qadar tekshiruv o‘tkazilgan. Unda “U.T.” fermer xo‘jaligi sobiq ish yurituvchisi A.J. 5 nafar fuqaro nomiga ajratilgan 156 million so‘m imtiyozli kredit evaziga ularga chorva mollari yetkazib berilgani to‘g‘risida soxta hisobotlar tuzib, kredit mablag‘ini o‘zlashtirgan aniqlangan.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)