“Qoraqalpog‘istonda mingdan ortiq inson aybsiz bo‘lgani uchun emas, yaxshi niyat namoyishi sifatida qo‘yib yuborilgan” — Alisher Qodirov

Oliy Majlis Qonunchilik palatasi spikeri o’rinbosari, “Milliy tiklanish” demokratik partiyasi markaziy kengashi raisi Alisher Qodirov Qoraqalpog‘istonda hech qanday repressiya va bosim yo‘qligi, tergov hamda surishtiruv ishlari olib borilayotgani haqida o‘zining Telegram-kanalida yozib qoldirdi.

O‘xshash mavzularda surishtiruvlar AQSH, Qozog‘iston, Shri-Lanka, Myanma kabi davlatlarda ham uzoq vaqt olib borilgan va ayrimlarida davom etmoqda, bu juda tabiiy va to‘g‘ri. Qonunni buzgan inson yer yuzining istalgan burchagida tergov qilinadi, aybi bo‘lsa, jazolanadi. Aybi yo‘qlar qo‘yib yuboriladi. Qoraqalpog‘istonda mingdan ortiq inson aybsiz bo‘lgani uchun emas, yaxshi niyat namoyishi sifatida qo‘yib yuborilgan. Qolgan qism bilan tergov yakunlanmadi, — deb yozadi Qodirov.