Навоий вилояти Ғозғон шаҳрида имтиёзли кредит маблағини ўзлаштирган иш юритувчи аниқланди. Бу ҳақда Иқтисодий жиноятларга қарши курашиш департаменти маълум қилди.
Маълум бўлишича, Бош прокуратура ҳузуридаги департаментнинг Ғозғон шаҳри бўлими томонидан терговга қадар текширув ўтказилган. Унда «У.Т.» фермер хўжалиги собиқ иш юритувчиси А.Ж. 5 нафар фуқаро номига ажратилган 156 миллион сўм имтиёзли кредит эвазига уларга чорва моллари етказиб берилгани тўғрисида сохта ҳисоботлар тузиб, кредит маблағини ўзлаштирган аниқланган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)