O‘tgan davr mobaynida Markaz ilmiy xodimlari tomonidan Markaz muzeyining 9 ta bo‘limi ekspozitsiyasini shakllantirish bo‘yicha jami 866 ta eksponat, 162 ta multimedia mahsulotining ro‘yxati to‘liq shakllantirildi. Bu haqda Islom sivilizatsiyasi markazi direktori Shoazim Minovarov ma’lum qildi.
Muzey fondidagi tarixiy ashyolar, mulyajlar, eksponatlar jami soni 452 taga yetkazildi.
Markaz konsepsiyasidan kelib chiqib, binoning tashqi bezaklarida foydalaniladigan jami 66 ta xattotlik yozuvi matnlari tayyorlandi.
Qur’oni karim bo‘limi ekspozitsiyasida namoyish qilinadigan 28 ta nodir qo‘lyozmalaridan iborat Qur’oni karim kolleksiyasi shakllantirildi.
Ushbu kolleksiya yaqinda yana bir noyob nusxa bilan boyitildi. Mashhur xattot Habibulla Solih tomonidan ko‘chirilgan Usmon Mus’hafining o‘ziga xos nusxasi Markaz fondiga taqdim etildi.
Markaz kutubxonasi fondi jami 515 419 ta yozma manba, zamonaviy nashr va elektron nusxadagi manbalar bilan boyitildi. Jumladan, hozirda Markaz fondining yozma manbalaridan 465 ta qo‘lyozma, 623 ta toshbosma, 19 415 ta zamonaviy nashrlar hamda 494 916 ta elektron nusxadagi manbalarni tashkil etadi.
Respublika fondlarida saqlanayotgan 106 ming 525 ta yozma manbalar to‘g‘risida ma’lumotlar bazasi yaratilib, ularning ilmiy tahlili asosida 50 ming 795 ta manbalarning reyestri (pasporti) tayyorlandi.
Izoh (0)