Агар сиз Грузияга келсангиз, аэропортнинг ўзидаёқ TBC банкка дуч келасиз. 30 йиллик тарихга эга ушбу банкнинг кенг тармоқли офис ва банкоматлари бутун мамлакат бўйлаб фаолият юритади. TBC бренди эса Грузиядаги энг машҳур банк бренди ҳисобланади.
Банк Лондон фонд биржасида рўйхатдан ўтган TBC Bank Group компаниялар гуруҳи таркибига киради. TBC ва унинг шўъба компанияларининг Грузия бозоридаги умумий улуши мижозларнинг 39,1 фоиз кредити ва 40,7 фоиз депозитини ташкил қилади.
2020 йилнинг апрелида TBC Bank Ўзбекистонда илк рақамли банк сифатида рўйхатдан ўтди ва мамлакатнинг digital-банкинг соҳаси ривожига муносиб ҳисса қўшди. TBC Bank Group PLC’га тегишли «Space» инновацион финтех-платформа базасида иш бошлаган банк фойдаланувчиларга мобил илова орқали чакана молиявий хизматларни кўрсатиб келмоқда. 2020 йилнинг декабрь ойида TBC Кредит ишга тушди ва шу билан банкнинг тижорий фаолиятига старт берилди. Юқори фаоллик натижасида ва мижозлар учун долзарб бўлган молиявий маҳсулотлар эвазига 2022 йилнинг июль ойига келиб, TBC UZ иловаси 2,4 миллион марта юклаб олинди. Бугунги кунда мамлакат бўйлаб 12 та шаҳарда ҳаммаси бўлиб 10 та шоурум ва 33 та мижозларни фаоллаштириш нуқталари фаолият олиб бормоқда.
TBC Bank’нинг мақсади – оддий смартфон орқали онлайн-банкинг хизматларини кўрсатиб, одамлар ҳаётини осонлаштириш. Бироқ, банкнинг барча хизматларидан масофадан туриб фойдаланиш имкони мавжуд бўлса-да, хизмат кўрсатиш жараёни яқингача, тўла маънода рақамли бўлмаган эди. Банк мижозига айланиш учун баъзи ҳолларда фойдаланувчи хизмат кўрсатиш нуқталарига ташриф буюриши керак эди.
TBC Bank жамоаси Грузиянинг Space жамоаси билан биргаликда фойдаланувчиларга масофадан туриб банк мижозига айланиш имкониятини яратиш учун фаол ишлар олиб борди. Ўзбекистон Марказий банки томонидан ўтказилган кўп сонли ислоҳотлар ҳам бунда муҳим рол ўйнади. Ушбу ислоҳотлар туфайли масофавий верификациядан ўтиш имкони пайдо бўлди. Бу эса мамлакатда digital-банкинг йўналишининг ривожланишига сабаб бўлди.
Ҳозир TBC UZ иловаси орқали бир неча дақиқа ичида исталган жойда банк мижозига айланиш мумкин.
Бу банк мижозлари учун нимани англатади? Таққослаш учун, анъанавий ва рақамли банкларда кредит олиш жараёни қуйидаги кўринишга эга.
TBC Bank’да икки хил депозит мавжуд: йиллик ставкаси 23 фоизгача бўлган муддатли депозит ва 18 фоиз ставка билан талаб қилиб олгунча омонат. Депозитларни расмийлаштириш жараёни ҳам анча осон. Фойдаланувчи иловани юклаб, ундан верификациядан ўтгач, TBC UZ иловасига бириктирилган исталган картадан пул ўтказган ҳолда депозит очиши мумкин.
Digital-банкинг соҳаси тез ривожланиб бормоқда ва фойдаланувчиларга кўпдан-кўп имкониятлар, қулайликлар таклиф этмоқда. Бугун мижозлар барча банк хизматларидан уйдан туриб фойдаланишлари мумкин. Тез орада TBC Bank бунданда кўпроқ лойиҳа ва хизматларни жорий қилишни режалаштирган. Банк янгиликларини tbcbank.uz сайти орқали кузатиб боринг.
Реклама ҳуқуқи асосида.
Изоҳ (0)