Chernogoriyaning Setine shahrida qurollangan shaxs 10 kishini o‘ldirdi, yana olti kishi, shu jumladan, bir politsiyachi yaralandi, deb yozadi Meduza.
Dastlabki ma’lumotlarga ko‘ra, otishma oilaviy kelishmovchilik tufayli boshlangan. Tasdiqlanmagan axborotga ko‘ra, dastlab 34 yoshli Vuchko Borilovich o‘z oilasi a’zolarini o‘ldirgan, so‘ng uyi yonidagi o‘tkinchilarni o‘qqa tuta boshlagan. Halok bo‘lganlar orasida ikki nafar yosh bola ham bor.
Politsiya bayonotiga qaraganda, hujumchi tinch fuqarolar va politsiyachilarga qara o‘q uza boshlaganidan keyin otib tashlangan. Ba’zi ma’lumotlar bo‘yicha, u tez yordam mashinasiga yaradorlarni olib ketishda xalal berganidan keyin otib tashlangan. Chernogoriya radio va televideniyesi qayd etishicha, prokuratura ma’lumotlariga ko‘ra, hujumchi mahalliy aholi tomonidan o‘ldirilgan.
Shuningdek, o‘qotar o‘z joniga qasd qilgani haqidagi versiya ham bor.
Keyinroq Chernogoriya politsiyasi 11 kishi, shu jumladan, bir politsiyachining halok bo‘lganini tasdiqladi.
Izoh (0)