Bugun,

  • USD 11095.31
  • RUB 173.84
  • EUR 10772.44

AQSHning Indiana shtati Grinvud shahridagi Greenwood Park savdo markazida sodir bo‘lgan otishma oqibatida to‘rt kishi halok bo‘ldi. Bu haqda BNO News telekanali politsiyaga tayanib, xabar berdi.

Foto: The Indianapolis Star

Foto: The Indianapolis Star
Grinvud politsiyasi boshlig‘i Jim Aysonning aytishicha, otishma 17-iyul kuni soat 18:05 da (Toshkent vaqti bilan 18-iyul 03:05) savdo markazining ovqatlanish kortida yuz bergan. Uning so‘zlariga ko‘ra, hujumchi erkak miltiqdan o‘q uzgan. Guvohlar kamida 30 ta o‘q ovozini eshitgan.

Otishmada hujumchining o‘zi ham halok bo‘lgan, uning shaxsi oshkor etilmagan. U qurollangan fuqaro tomonidan otib tashlangan. Yana ikki kishi o‘qdan jarohat olib, shifoxonaga yetkazilgan.

Politsiya savdo markazidagi hojatxonalardan birida shubhali ryukzak topdi, sapyorlar uni tekshirmoqda.

4-iyul kuni Illinoys shtatidagi Xaylend-Park shahrida AQSH Mustaqillik kuni munosabati bilan o‘tkazilgan paradda ommaviy otishma sodir bo‘lgan edi. Hujumchi binolardan birining tomida turib o‘t ochgan. Olti kishi halok bo‘lgan.

Politsiya gumonlanuvchini Chikago shimolidagi Leyk Forest shahrida qo‘lga oldi. Bu 22 yoshli Robert Krimo III bo‘lib chiqdi. U yettita punkt bo‘yicha qotillikda ayblangan.

Izoh
Asosiy yangiliklar
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?