Toshkentdagi Xalqaro Vestminster universitetiga pul evaziga o‘qishga kiritib qo‘ymoqchi bo‘lgan yigit ushlandi. Bu haqda Bosh prokuratura huzuridagi departament xabar berdi.
Ma’lum qilinishicha, departament hamda DXXning Qo‘qon shahar bo‘limlari tomonidan o‘tkazilgan tezkor tadbirda, fuqaro A. A. boshqa bir fuqaro S.ning ishonchiga kirib, uning qizini 10 200 dollar evaziga Toshkent shahridagi Xalqaro Vestminster universitetiga o‘qishga kiritib qo‘yishini va’da qilgan.
So‘ralgan puldan 5 000 dollarni olgan vaqtida ashyoviy dalillar bilan ushlangan.
Shu kabi, departament hamda DXXning Sirdaryo viloyati Oqoltin tumani bo‘limlari tomonidan o‘tkazilgan tezkor tadbirda, fuqaro Sh.O‘. boshqa bir fuqaro O‘.ni tanishlari yordamida Toshkent moliya institutiga o‘qishga kiritib qo‘yishi evaziga 1 800 dollarni olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)