Qashqadaryo viloyati Qarshi tumanida masjiddan telefon o‘g‘irlagan shaxs ushlandi. Bu haqda viloyat ichki ishlar boshqarmasi axborot xizmati ma’lum qildi.
Xabar qilinishicha, “Quyi Beshkent” MFYda yashovchi X.O. peshin nomozini o‘qish uchun masjidga borib, derazaga qo‘l telefonini qo‘ygan. Nomoz o‘qib bo‘lgach telefonini olmoqchi bo‘lganida uning joyida yo‘q ekani ma’lum bo‘lgan.
Holat yuzasidan Qarshi shahri IIO FMB xodimlari tomonidan olib borilgan tezkor qidiruv harakatlari natijasida mazkur jinoyatni Koson tumani “Mullali” MFYda yashovchi Q.I. sodir etgani aniqlanib, undan 1 dona telefon tegishli tartibda hujjatlashtirib olindi. Hozirda Qarshi shahri IIO FMB TB tomonidan jinoyat ishi qo‘zg‘atilgan.
Izoh (0)