Buxoro shahrida yuvishga qoldirilgan avtomobil olib qochildi.
2022-yilning 4-avgust kuni soat 01:30 larda Buxoro shahar B.Naqshband ko‘chasida yashovchi, 1998-yilda tug‘ilgan fuqaro O.Sh. Buxoro shahar Mustaqillik ko‘chasida joylashgan Airobus avtomashinalar yuvish shoxobchasida Matiz avtomobilini yuvish uchun qoldirgan.
Shundan so‘ng Qoraqalpog‘iston Ellikqal’a tumani “Amirobod” ovulida yashovchi, 2006-yilda tug‘ilgan Z.L. ismli shaxs Matiz’ni olib qochib, noma’lum tomonga yashirinadi.
Mazkur holat yuzasidan kelib tushgan xabar asosida Buxoro shahar IIO FMB tomonidan Jinoyat kodeksining 267-moddasi 1-qismi bilan jinoyat ishi qo‘zg‘atilib, kechiktirib bo‘lmas tezkor qidiruv hamda tergov harakatlari olib borilgan.
E’lon qilingan “To‘sib ushlash” maxsus tezkor rejasi asosida o‘tkazilgan tezkor texnik va qidiruv tadbirlari davomida olib qochilgan avtomashinaning Buxoro–Qashqadaryo viloyatlarini bog‘lab turuvchi “Shirinbuloq” YPX maskanidan o‘tib ketgani aniqlanib, Qashqadaryo viloyati hududida qo‘lga olindi.
Hozirda jinoyat ishida gumon qilinuvchi Z.L. ga nisbatan dastlabki tergov harakatlari olib borilmoqda.
Izoh (0)