“O‘zbekiston temir yo‘llari” ham Mustaqillik bayrami munosabati bilan chiptalarga chegirmalar e’lon qildi

“O‘zbekiston temir yo‘llari” Mustaqillikning 31 yilligi munosabati bilan ichki yo‘nalishlarda chiptalarga chegirmalar e’lon qildi.

Unga ko‘ra, 1–4-sentabr kunlari amalga oshiriladigan ichki reyslar uchun quyidagicha chegirmalar taqdim etiladi:

• nafaqaxo‘rlar, nogironlar, 1941—1945-yil urush qatnashchilari va ularga tenglashtirilgan fuqarolarga chiptaning tarif qismidan — 50 foiz;
• oliy o‘quv yurtlarining talabalari, maktab o‘quvchilari, kollej va litsey talabalari, IIV, MV, DXX, DS, DB maxsus ta'lim muassasalari talabalariga chiptaning tarif qismidan – 15 foiz;
• oilaviy bo‘lib poyezdga chiqsa (ikki yoki undan ortiq kishi — eri va rafiqasi, eri yoki rafiqasi va 18 yoshgacha bo‘lgan farzandlari, otasi yoki 18 yoshga to‘lmagan bolasi bo‘lgan ona) (nikoh guvohnomasi taqdim etilgan holda) chiptaning tarif qismidan – 15 foiz;
• bir jamoa, guruh bo‘lib poyezdga chiqsa (yo‘riqnoma asosida 4 nafar va undan ortiq kishiga) chiptaning tarif qismidan — 15 foiz;
• “Afrosiyob” tezyurar elektropoyezdlarida barcha toifadagi yo‘lovchilarga chiptaning tarif qismidan — 10 foiz.

Bundan avval Uzbekistan Airways Mustaqillik bayrami munosabati bilan 1–4-sentabr kunlari amalga oshiriladigan mahalliy aviaqatnovlarga 50 foiz chegirma e’lon qilgandi.