“O‘zbekneftgaz” AJ boshqaruvi raisi Mehriddin Abdullayevning topshirig‘iga asosan, tizimdagi korxonalarda moliyaviy va komplayens nazorati yo‘nalishida korrupsiya, iqtisodiy jinoyatlarga qarshi kurashishga, ularga kelgusida yo‘l qo‘yilishini oldini olishga qaratilgan profilaktik tadbirlar, o‘rganishlar amalga oshirilmoqda.
Xususan, “O‘zbekneftgaz” AJ Moliyaviy va komplayens nazorat departamenti xodimlari tomonidan “Maroqand neft bazasi” MCHJda neft mahsulotlarining navbatdan tashqari inventarizatsiyasi o‘tkazilmoqda.
O‘rganishlar jarayonida Bulung‘ur va Jomboy filiallarida neft mahsulotlari inventarizatsiyadan o‘tkazilganda, vertikal po‘lat sig‘imlarga (RVS) qasddan texnik o‘zgartirish kiritish va qo‘lbola usulda sig‘im ichiga temir quvur joylashtirilgani aniqlandi. Tezkor ma’lumotlarga ko‘ra, Bulung‘ur filialida jami 22 125,3 million so‘mlik 2 612,9 tonna neft mahsulotlari kamomadiga yo‘l qo‘yilganligi va katta miqdorda talon-taroj qilinganligi holati aniqlandi. Jumladan:
- Ai-80 avtobenzinidan 18 340,4 million so‘mlik 2 382,1 tonna;
- EKO markali dizel yoqilg‘isidan 705,8 million so‘mlik 44,1 tonna;
- TDL-05 markali dizel yonilg‘isidan 1 752,1 million so‘mlik 111,6 tonna;
- TD-K5 yevro markali dizel yoqilg‘isidan 1327,0 million so‘mlik 75,1 tonna.
- Ai-80 avtobenzini 18029,6 million so‘mlik 2341,7 tonna;
- YEVRO K-5 dizel yonilg‘isi 81,7 million so‘mlik 4,6 tonna;
- Dizel yonilg‘isi 1516,3 million so‘mlik 92,3 tonna;
- EKO dizel yonilg‘isi 32022,1 million so‘mlik 2002,5 tonna.
Aniqlangan holatlarga huquqiy baho berish va kamomadlarga yo‘l qo‘ygan xodimlarga nisbatan qonuniy chora ko‘rish maqsadida, to‘plangan hujjatlar Davlat xavfsizlik xizmatiga tegishli tartibda taqdim etildi.
O‘rganishlar jarayonida Bulung‘ur filiali moddiy javobgar shaxsi X.L. javobgarligidagi neft mahsulotlari inventarizatsiyadan o‘tkazilganda, 7 ta vertikal po‘lat sig‘imlarga (RVS) qasddan texnik o‘zgartirish kiritish va qo‘lbola usulda sig‘im ichiga temir quvur joylashtirilgani hamda buning natijasida tezkor ma’lumotlarga ko‘ra jami 21 494,7 million so‘mlik 2 573,5 tonna neft mahsulotlari kamomadiga yo‘l qo‘yilganligi va katta miqdorda talon-taroj qilinganligi holati aniqlangan edi.
Eslatib o‘tamiz, “Maroqand neft bazasi” MCHJning xato-kamchiliklarga yo‘l qo‘ygan jami 11 nafar mas’ul mansabdor shaxslar bilan tuzilgan mehnat shartnomalari bekor qilingan, 6 nafar xodimlarga nisbatan intizomiy jazo choralari qo‘llanilgan edi.
“O‘zbekneftgaz” AJ Matbuot xizmati
Izoh (0)