Davlat test markazi Farg‘ona viloyati So‘x tumanida o‘tkazilgan test sinovi natijalari nega imtihon topshirilgan kunning ertasiga e’lon qilinmayotgani bo‘yicha tushuntirish berdi.
Ta’kidlanishicha, abituriyentlarning test sinovida to‘plagan ballari test sinovi o‘tkazilgan kunning ertasiga e’lon qilinadi. Lekin Davlat komissiyasining 2-sonli bayonida Farg‘ona viloyatining So‘x tumanida o‘tkazilgan test sinovi natijalarini bir kunda e’lon qilmaslikka istisno tariqasida ruxsat berilgan. Chunki:
- So‘x tumani O‘zbekistonning anklav hududi hisoblanadi;
- u yerda o‘tkazilgan test sinovi materiallarini Qirg‘iziston hududidan olib o‘tish lozim;
- test materiallarini har kuni Toshkent shahriga yetkazish imkoni mavjud emas.
Ma’lumot uchun, 12-avgust kuni 1-smenada So‘x tumanida test sinovlari to‘liq yakunlandi.
Izoh (0)