Kim Chen In Shimoliy Koreya koronavirus ustidan g‘alaba qozonganini e’lon qildi

Kim Chen In Shimoliy Koreya COVID-19 ustidan g‘alaba qozonganini e’lon qildi. Bu haqda Yonhap agentligiga tayanib “RBK” xabar bermoqda.

Epidemiyaga qarshi chora-tadbirlarga bag‘ishlangan yig‘ilishda Kim Chen In “yangi koronavirusni yo‘q qilish bo‘yicha epidemiyaga qarshi kampaniyada g‘alaba qozonganini tantanali ravishda e’lon qildi”, — deydi davlat OAVlari.

Avgust oyida KXDRda koronavirus infeksiyasi qayd etilmagan. Kasallik iyul oyidan boshlab pasayishni boshladi va oy oxiriga kelib minimal ko‘rsatkichga yetdi. 29-iyul kuni rasmiylar faqat uchta COVID-19 holati haqida xabar bergan.

Umuman olganda, aprel oyining oxiridan iyul oyi oxirigacha 4,772 milliondan ortiq kishi koronavirus bilan kasallangan bo‘lib, ularning deyarli barchasi tuzalib ketgan. May oyining o‘rtalarida kasallanish eng yuqori darajaga yetgan edi — yani kuniga 390 mingdan ortiq infeksiya.

Pxenyan COVID-19 tarqalishini Janubiy Koreyadan havo sharlari uchirilishi bilan bog‘ladi. Biroq Seul buni rad etgan.

Mavzuga doir: Shimoliy Koreya Nensi Pelosining Tayvanga tashrifini qoraladi