Gollivud yulduzlari Jennifer Lopes va Ben Afflek ajrashganidan 20 yil o‘tib Las-Vegasda turmush qurdi. Juftlik yangi saroy sotib olishdan voz kechdi va yashash uchun Jennifer Lopesga tegishli Bel-Eyrda joylashgan uyni tanladi. Aktrisa ushbu uyini 2016-yilda qaytarib sotib olgan edi. Hozirda ular uyni o‘zgartirishni rejalashtirmoqda.
Uyning umumiy maydoni 1300 kvadrat metr bo‘lib, unda yettita yotoqxona va o‘n uchta hammom mavjud. Uy ta’mirlanayotgan vaqtda Jennifer va Ben Jeyms Pekerning Beverli-Hillzdagi uyini ijaraga oldi.
Ma’lumot uchun, Ben Afflek va Jennifer Lopes 2001-yilda tanishgan, oradan ko‘p o‘tmay aktyor xonandaga turmush qurishni taklif qilgan. Ularning to‘yi 2003-yilda bo‘lib o‘tishi kerak edi, biroq bayram arafasida bekor qilingan. Juftlik 2021-yilda munosabatini tikladi va shu yilning aprel oyida Ben Jenniferga turmush qurishni taklif qildi.
Mavzuga doir:
- Gollivud yulduzlari Jennifer Lopes va Ben Afflek tanishganlaridan 20 yil o‘tib turmush qurdi.
- Gollivud yulduzlari Jennifer Lopes va Ben Afflek 50 million dollarlik uy sotib oldi.
- Jennifer Lopes va Ben Afflek 65 mln dollarlik hashamatli uyni xarid qilishni rejalashtirmoqda.
- Mish-mish: Ben Afflek va Jennifer Lopes 2021-yilning oxiriga qadar oila qurishni rejalashtirmoqda.
Izoh (0)