Toshkentda shirkat rahbari kommunal to‘lovlar uchun undirilgan 350 mln so‘mni o‘zlashtirgani aniqlandi

Toshkentning Mirzo Ulug‘bek tumanida kommunal to‘lovlar uchun undirilgan pullarni o‘zlashtirgan shirkat rahbari aniqlandi.

Bosh prokuratura huzuridagi departamentning Mirzo Ulug‘bek tuman bo‘limi tomonidan fuqarolarning huquq va manfaatlarini himoya qilish yuzasidan o‘tkazilgan tergovga qadar tekshiruvda, “O.B.” xususiy uy-joy mulkdorlari shirkati rahbari B.X. xonadon egalaridan kommunal to‘lovlari uchun undirilgan jami 350,6 million so‘mni bank kassasiga kirim qilmasdan, o‘zlashtirish yo‘li bilan talon-toroj qilgani aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir:

• Toshkentda aholidan majburan yig‘ilgan 275 mln so‘m badal pullarini talon-toroj qilgan shirkat rahbarlari ushlandi
• Sergelida aholidan kommunal to‘lovlar uchun yig‘ilgan qariyb 100 mln so‘mni talon-toroj qilgan shirkat aniqlandi