O‘zbekistonda nodavlat oliy ta’lim tashkilotlari soni so‘nggi 5 yilda 11 barobar oshdi

O‘zbekistonda nodavlat oliy ta’lim tashkilotlari soni so‘nggi 5 yilda qariyb 11 barobar oshdi. Bu haqda Ta’lim inspeksiyasi boshlig‘i Ulug‘bek Toshkenboyev tomonidan AOKA anjumanlar zalida Nodavlat ta’lim tashkilotlari salmog‘ini oshirish hamda ularda ta’lim sifatini ta’minlash bo‘yicha amalga oshirayotgan ishlar xususidagi matbuot anjumanida ma’lum qilindi.

Ta’kidlanishicha, nodavlat ta’lim tashkilotlari soni 2017-yilda 512 tani tashkil etgan bo‘lsa, bugungi kunga kelib 5678 taga yetgan. Ya’ni so‘nggi besh yildan ularning soni qariyb 11 barobarga oshgan.

Jumladan,

• maktabgacha ta’lim bo‘yicha 2189 ta;
• umumiy o‘rta ta’limga 300 ta;
• oliy ta’lim xizmatlari bo‘yicha 42 ta;
• maktabdan tashqari ta’lim bo‘yicha 623 ta.
• kadrlarni qayta tayyorlash va ularning malakasini oshirish bo‘yicha 853 ta litsenziya rasmiylashtirib berilgan.