Toshkent viloyati Yangiyo‘l tumanida naslli qoramol olish uchun ajratilgan kredit mablag‘ini o‘zlashtirish holati aniqlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Yangiyo‘l tuman bo‘limi tomonidan tergovga qadar tekshiruv o‘tkazilgan. Unda yakka tartibdagi tadbirkor D.A. va boshqalar tanishi A.ning rahbarligidagi “A.H.” MCHJga naslli qoramol sotib olish uchun bank filialidan ajratilgan 500 million so‘m kredit mablag‘i evaziga ushbu MCHJga 52 ta naslli qoramollar yetkazib berilgani haqida hujjatlarni rasmiylashtirib, kredit mablag‘ini o‘zlashtirish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) hamda 228-moddasi (hujjatlarni qalbakilashtirish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Qibrayda fuqaro 3,5 milliard so‘m kredit mablag‘larini talon-toroj qildi
- Qashqadaryoda suv ta’minoti xodimlari 1,1 mlrd so‘mlik po‘lat suv quvurlarini talon-toroj qilgani aniqlandi
- Katta Andijon magistral kanali boshqarmasi mansabdorlari juda ko‘p miqdordagi budjet mablag‘larini talon-toroj qilgani aniqlandi
Izoh (0)