Majburiy ijro byurosi Namangan viloyat boshqarmasi tomonidan fuqarolarga yetkazilgan zararni undirish bilan bog‘liq sudlardan kelgan hujjatlar ijrosini ta’minlash borasida tegishli chora-tadbirlar ko‘rib kelinmoqda.
Jumladan, 2022-yilning o‘tgan davrida boshqarma tomonidan 104,4 milliard so‘mlik 3.113 ta hujjatlar ko‘rib chiqildi.
Olib borilgan ijro harakatlarida davomida 61 milliard so‘mlik 1.518 ta ijro hujjati tamomlangan, 549 ta ijro hujjati bo‘yicha fuqarolarga 15,4 milliard so‘m zarar undirib berilgan.
Shuningdek, boshqarma qidiruv sho‘basi tomonidan olib borilgan tezkor tadbirlar davomida 2022-yilning 7 oyida 229 nafar aliment to‘lashdan bo‘yin tovlab kelayotgan qarzdorlar, shuningdek, 48 ta avtotransport vositalari topilgan.
Misol uchun, byuroning Uychi tuman bo‘limi ish yurituvida fuqarolik ishlari bo‘yicha Uchqo‘rg‘on tumanlararo sudining hal qiluv qaroriga ko‘ra da’vogar S.Akbarovga javobgar O.Madrahimov va boshqalardan 110 780 000 so‘m qarz undirib berish ko‘rsatib o‘tilgan.
Amaldagi tartibga ko‘ra, javobgarlarga qarzdorlikni to‘lab qo‘yishi uchun ixtiyoriy muddat berilgan.
Biroq, bunga mas’uliyatsizlik bilan qaralib, qarzdorlik 15 kunlik muddatda qoplanmadi.
O‘z o‘rnida, davlat ijrochisi tomonidan tegishli tashkilotlarga javobgarga tegishli mol-mulklar, transport vositalari bor yo‘qligi yuzasidan so‘rov yuborildi.
Olingan ma’lumotlarga ko‘ra, qarzdor nomida yengil avtotransport borligi aniqlandi.
Olib borilgan harakatlar davomida mazkur transport vositasi xatlanib, hozirda realizatsiya qilish choralari ko‘rilmoqda.
Izoh (0)