Bosh ijrochi direktor Kaan Terzio‘g‘lining so‘zlariga ko‘ra, Rossiyadagi uchinchi yirik uyali aloqa operatori Veon (Beeline)ning tarmoq rivojlanishini to‘xtatish xavfini e’lon qildi. Bu haqda Bloomberg xabar berdi.
Bu agar Ukrainadagi urush tufayli sanksiyalar muhim uskunalar importiga to‘sqinlik qilishda davom etsa yuz beradi.
Telekomning ma’lum qilishicha, o‘tgan hafta ikkinchi chorakdagi daromad o‘tgan yilga nisbatan 5,6 foizga oshib, 2,01 mlrd dollarga yetgan. Daromad deyarli yarmi Rossiyadagi operatsiyalardan tushgan.
Veon 2023-yilning fevral va aprel oylarida to‘lanishi kerak bo‘lgan obligatsiyalar bo‘yicha 1,2 mlrd dollardan ortiq qarzga ega.
Kompaniya Jazoirdagi filiali Djezzy sotuvidan tushgan 682 mln dollarni to‘lovlarning bir qismini qoplash uchun ishlatishni rejalashtirmoqda.
Qolganlari kompaniyaning Amsterdamdagi shtab-kvartirasida joylashgan 1,9 mlrd dollar va mahalliy sho‘ba korxonalari to‘laydigan dividendlar hisobidan to‘lanadi.
Yil oxirigacha biz O‘zbekiston Pokiston,Qozog‘iston va Bangladesh kabi bozorlarda mahalliy moliyalashtirishga e’tibor qaratamiz, — dedi u.
Rossiyalik milliarder Mixail Fridman asos solgan LetterOne Investment Holdings kompaniyasi Veon’ning 47,9 foiziga egalik qiladi. Fridman yaqinda Yevropa Ittifoqi va Buyuk Britaniya tomonidan sanksiyaga uchragan va Veon va LetterOne kengashlari tarkibidan ketgan.
Izoh (0)