“UzPaynet” ustav kapitalidagi 100 foiz davlat ulushini xususiylashtirish jarayoni boshlandi. Bu haqda Davlat aktivlarini boshqarish agentligi xabar bermoqda.
Abrau Capital va Centil kompaniyalar konsorsiumi ushbu bitim bo‘yicha agentlikning xususiylashtirish bo‘yicha yetakchi maslahatchisi hisoblanadi.
Xususiylashtirish jarayoni
Ishtirokchilardan quyidagi ma’lumotlar bilan sotib olish bo‘yicha qiziqish bildirish to‘g‘risidagi arizalarini taqdim etishlari so‘raladi:
- Ishtirokchi to‘g‘risida qisqacha ma’lumot (shu jumladan, STIR va faoliyat turi);
- Ishtirokchining ustav kapitalida 5 foizdan ortiq ulushi mavjud aksiyadorlar/ ta’sischilar va yakuniy benefitsiarlar to‘g‘risida ma’lumotlar;
- Moliyaviy hisobot (oxirgi 3 yilgi faoliyati bo‘yicha).
Ushbu arizalar 2022-yil 7-sentabr soat 18:00 ga qadar qabul qilinadi.
Kompaniya haqida
“UzPaynet” — Paynet to‘lov tizimining asoschisi hisoblanadi. U O‘zbekiston bozorida 2005-yildan buyon yirik to‘lov tashkilotlaridan biri sifatida faoliyat yuritib kelmoqda.
Kompaniya Paynet to‘lov tizimi ishlab chiqaruvchisi va savdo belgisi egasi deb hisoblanadi.
Hozirgi kunda 390 dan ortiq xizmat ko‘rsatuvchi provayderlar to‘lovlarni tizim orqali qabul qilmoqda — mobil aloqa, internet, uy-joy, sug‘urta, va boshqalar.
Tizimi orqali har kuni 1,3 milliondan ortiq to‘lovlar 25 ming to‘lovni qabul qilish punkti va mobil ilova orqali amalga oshiriladi.
Izoh (0)