Andijon shahrida kuchli ta’sir etuvchi dori vositalarini noqonuniy sotayotgan ayol ushlandi.
2022-yilning 1-avgust kuni Andijon viloyati IIB giyohvandlik vositalari bilan qonunga xilof ravishda muomala qilishga qarshi kurashish bo‘limi xodimlari tomonidan bir tezkor tadbir o‘tkazilgan.
Tadbir davomida Andijon shahri ko‘chalarining birida bosh kiyim sotish bilan shug‘ullanib kelayotgan Qo‘rg‘ontepa tumanida yashovchi ayol R.N.ga tegishli yuk aravasi nazorat tartibida tekshirilganda, unda sotish uchun qo‘yilgan bosh kiyimlar ostiga yashirib qo‘yilgan jami 140 dona “Regapen” va 10 dona “Tropikamid” kuchli ta’sir etuvchi dori vositalari borligi aniqlandi.
Mazkur holat yuzasidan Andijon shahar IIO FMB tomonidan tergovga qadar surishtiruv ishlari olib borilmoqda.
Izoh (0)