Андижон шаҳрида кучли таъсир этувчи дори воситаларини ноқонуний сотаётган аёл ушланди.
2022 йилнинг 1 август куни Андижон вилояти ИИБ гиёҳвандлик воситалари билан қонунга хилоф равишда муомала қилишга қарши курашиш бўлими ходимлари томонидан бир тезкор тадбир ўтказилган.
Тадбир давомида Андижон шаҳри кўчаларининг бирида бош кийим сотиш билан шуғулланиб келаётган Қўрғонтепа туманида яшовчи аёл Р.Н.га тегишли юк араваси назорат тартибида текширилганда, унда сотиш учун қўйилган бош кийимлар остига яшириб қўйилган жами 140 дона «Регапен» ва 10 дона «Тропикамид» кучли таъсир этувчи дори воситалари борлиги аниқланди.
Мазкур ҳолат юзасидан Андижон шаҳар ИИО ФМБ томонидан терговга қадар суриштирув ишлари олиб борилмоқда.
Изоҳ (0)