Surxondaryo viloyati Termiz shahriga yetib kelgan Tojikiston harbiy delegatsiyasi kutib olinib, “Hamdo‘stlik—2022” birgalikdagi o‘quvi jarayonlariga start berildi. Bu haqda Mudofaa vazirligi xabar qildi.
Qayd etilishicha, mehmonlar Termiz garnizonidagi harbiy qismga joylashgandan so‘ng birgalikdagi o‘quvga bag‘ishlangan mashg‘ulotlarga tayyorgarlik ko‘rish maqsadida o‘zbek va tojik ofitserlari ishtirokida amalga oshiriladigan harakatlar rejalari o‘rganib chiqilgan.
4-avgust kuni “Hamdo‘stlik—2022” birgalikdagi o‘quvining ikkinchi kuni tantanali ochilish marosimi bilan davom ettirilgan. Janubi-g‘arbiy maxsus harbiy okrugi qo‘mondoni general-mayor Zaynobiddin Iminov hamda Tojikiston Qurolli kuchlari bosh shtabi boshlig‘i o‘rinbosari, general-mayor Egamzod Sharof Xudoyberdi ochilish marosimida so‘zga chiqib, birgalikdagi o‘quv davlatlar o‘rtasidagi aloqalarni mustahkamlashiga ishonch bildirgan.
Shundan so‘ng ikki davlat madhiyasi yangragan. O‘zbekiston va Tojikiston Respublikalari davlat bayroqlari ko‘tarilgan. “Hamdo‘stlik—2022” o‘quviga jalb etilgan harbiylar harbiy orkestr sadolari ostida saf maydonidan o‘tgan.
Ochilish marosimidan keyin Termiz umumqo‘shin dala-o‘quv maydoni o‘quv nuqtalarida va to‘siqlar yo‘laklarida o‘zbek harbiy xizmatchilari tomonidan ko‘rgazmali mashqlar bajarilgan. Mashqlar jarayonida harbiylar yaqin masofada jang olib borish, yaradorlarni evakuatsiya qilish, shartli dushman hujumini qaytarish kabi amaliy mashg‘ulotlarda ishtirok etgan. Ushbu mashqlarni kuzatish jarayonida tojikistonlik harbiylar ham o‘zlarini sinab ko‘rgan.
Mavzuga doir:
- O‘zbekiston merganlari xalqaro musobaqada Germaniya, Qatar, Ozarbayjonni ortda qoldirib, ikkinchi o‘rinni egalladi
- Xorazmdagi poligonda O‘zbekiston va Hindiston harbiylarining hamkorlikdagi maxsus-taktik o‘quvi bo‘lib o‘tdi (foto)
- O‘zbekiston razvedkachilari Pokistonda o‘tkazilgan xalqaro musobaqada rekord natija bilan g‘olib bo‘ldi
Izoh (0)