Surxondaryo viloyati Jarqo‘rg‘on tumanida MCHJ rahbari Osiyo taraqqiyot banki mablag‘lari hisobidan uzumzor va tomchilab sug‘orish tizimini joriy etish uchun ajratilgan 2,5 milliard so‘mdan ortiq pulni talon-toroj qildi.
Qayd etilishicha, Surxondaryo viloyati prokuraturasi tomonidan prezidentning “Osiyo taraqqiyot banki ishtirokida ‘Meva-sabzavotchilik sohasida qo‘shilgan qiymat zanjirini rivojlantirish’ loyihasini amalga oshirish chora-tadbirlari to‘g‘risida”gi va “Qishloq xo‘jaligida suvni tejaydigan texnologiyalarni joriy etishni yanada takomillashtirish chora-tadbirlari to‘g‘risida”gi qarorlari ijrosi o‘rganilgan.
Jarayonda Jarqo‘rg‘on tumanida faoliyat ko‘rsatib keluvchi “KT” MCHJ rahbari A.Q.ga Osiyo taraqqiyot banki mablag‘lari hisobidan uzumzor va tomchilab sug‘orish tizimini joriy etish uchun ajratilgan 2,5 milliard so‘mdan ortiq pul mablag‘lari talon-toroj etilgani aniqlangan.
Mazkur holat yuzasidan viloyat prokuraturasi tomonidan “KT” MCHJ rahbari A.Q. va boshqalarga nisbatan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) 3-qismi “a” bandi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.
Izoh (0)