AQSH Kongressi Vakillar palatasi spikeri Nensi Pelosi Malayziyaga keldi, deb xabar bermoqda Bernama.
Malayziya agentligiga ko‘ra, Pelosi o‘tirgan samolyot Malayziya Qirollik havo kuchlarining Subangdagi bazasiga qo‘ngan. Siyosatchi Malayziya parlamentining quyi palatasi spikeri Azhar Azizan Xorun va bosh vazir Ismoil Sabri Yaakob bilan uchrashishni rejalashtirilgan.
Pelosi 31-iyul kuni AQSH kongressmenlari delegatsiyasi tarkibida Osiyo bo‘ylab safarini boshlagan. Siyosatchining matbuot xizmati u Singapur, Malayziya, Janubiy Koreya va Yaponiyaga tashrif buyurishi haqida xabar bergan. Vashington ushbu “ittifoqchilar va do‘stlar” bilan “tinchlik va xavfsizlik, iqtisodiy o‘sish va savdo, COVID-19 pandemiyasi, iqlim inqirozi, inson huquqlari va demokratik boshqaruv” bilan bog‘liq masalalarni muhokama qilmoqchi, shuningdek, “o‘z majburiyatlarini yana bir bor tasdiqlamoqchi”, deyiladi matbuot xizmatida. Pelosining Tayvanga tashrif buyurish-buyurmasligi so‘roq ostida qolmoqda.
Xitoy Pelosi Tayvanga tashrif buyursa, AQSH bilan aloqalar buzilishi haqida ogohlantirgan.
Izoh (0)