АҚШ Конгресси Вакиллар палатаси спикери Нэнси Пелоси Малайзияга келди, деб хабар бермоқда Bernama.
Малайзия агентлигига кўра, Пелоси ўтирган самолёт Малайзия Қироллик ҳаво кучларининг Субангдаги базасига қўнган. Сиёсатчи Малайзия парламентининг қуйи палатаси спикери Азҳар Азизан Хорун ва бош вазир Исмоил Сабри Яакоб билан учрашишни режалаштирилган.
Пелоси 31 июль куни АҚШ конгрессменлари делегацияси таркибида Осиё бўйлаб сафарини бошлаган. Сиёсатчининг матбуот хизмати у Сингапур, Малайзия, Жанубий Корея ва Японияга ташриф буюриши ҳақида хабар берган. Вашингтон ушбу «иттифоқчилар ва дўстлар» билан «тинчлик ва хавфсизлик, иқтисодий ўсиш ва савдо, COVID-19 пандемияси, иқлим инқирози, инсон ҳуқуқлари ва демократик бошқарув» билан боғлиқ масалаларни муҳокама қилмоқчи, шунингдек, «ўз мажбуриятларини яна бир бор тасдиқламоқчи», дейилади матбуот хизматида. Пелосининг Тайванга ташриф буюриш-буюрмаслиги сўроқ остида қолмоқда.
Хитой Пелоси Тайванга ташриф буюрса, АҚШ билан алоқалар бузилиши ҳақида огоҳлантирган.
Изоҳ (0)