Dubayning yo‘llar va transport boshqarmasi uch nafar xodim – ikki taksi haydovchisi va bir avtoturargoh inspektoriga halolligi va go‘zal xulq-atvori uchun mukofotlar topshirdi.
Avtoturargoh inspektori Obid Miftah Abdulloh o‘z vazifalarini fidoyilik va sidqidildan bajargani uchun taqdirlandi. Dubay taksi korporatsiyasi xodimi Nensi Orgo yo‘lovchi taksida qoldirib ketgan va ichida 1 million dirham (272 ming dollar) bo‘lgan sumkani qaytargan. Haydovchi Umar Altaf Husayn esa salonda unutib qoldirilgan hamyonni yo‘lovchiga qaytarib bergan.
Huquq-tartibot idoralari xodimlari yo‘qolgan pul yoki qimmatbaho narsalarni topshirgan halol fuqarolarni muntazam ravishda rag‘batlantiradi. O‘nlab bunday holatlar kuzatiladi. 2022-yil aprel oyida Dubay politsiyasi yo‘lovchi tomonidan unutilgan pul, pasport va boshqa hujjatlar solingan sumkani qaytarib bergan taksi haydovchisining halolligi uchun mukofotlagan edi. Haydovchi Abdul Rajiv topilmani eng yaqin politsiya bo‘limiga keltirib bergan edi.
2022-yil mart oyida Dubay politsiyasi maktab o‘quvchisining halolligi uchun mukofotladi — u supermarketdan topilgan hamyonni egasiga qaytargan edi, deb yozmoqda Khaleej Times.
Izoh (0)