“Roma” hujumchisi Eldor Shomurodov qator klublar qiziqishlariga sabab bo‘lmoqda.
“Match TV” xabariga ko‘ra, o‘zbekistonlik hujumchiga Italiyaning “Sassuolo” va Saudiya Arabistonining “Al-Hilol”idan qiziqish bor. Futbolchining o‘zi Italiyada qolishni istamoqda.
Avvalroq Shomurodov ijara asosida “Bolonya”ga yo‘l olishi mumkinligi xabar qilingandi. Shuningdek, unga “Vulverhempton” qiziqayotgani aytilgandi.
Shomurodov 2021-yilning yozgi transfer oynasida 18 million yevro evaziga “Jenoa”dan “Roma”ga o‘tgandi. U “bo‘rilar”safida jami 40 ta o‘yin o‘tkazib, beshta gol va oltita golli uzatma amalga oshirdi.
Izoh (0)