“PSJ” sobiq bosh murabbiyi Maurisio Pochettino Lionel Messini dunyoning eng yaxshi futbolchisi deb hisoblashini aytdi.
Messining “PSJ”ga kelishi yoqimli “syurpriz” bo‘lgandi. Endi u bilan birga ishlaganimni, uni yaqindan ko‘rganimni bemalol ayta olaman. Maradonani ko‘rganman, argentinalik sifatida Messini ham ko‘rdim, u bilan bir yil ishladim.“PSJ” iyul oyi boshida Maurisio Pochettinoni iste’foga chiqarib, uning o‘rniga Kristof Galteni olib keldi.Albatta, omadim keldi. Ushbu sport turini yaxshi ko‘radigan barcha uchun eng yaxshilar bilan ishlash imkoniyati baxtdir.
Kilian Mbappe Ronaldu va Messining o‘rnini bosishi haqida
Men uchun Lionel Messi dunyoning eng yaxshi futbolchisi. Bunga shubha yo‘q. Undan keyin Kilian ushbu nomga da’vogar bo‘ladi. Yana Neymar bor. U ham men uchun dunyoning eng yaxshi futbolchilaridan biri.
Maurisio Pochettino, “PSJ” sobiq bosh murabbiyi
Pochettino 2021-yilning yanvarida “PSJ”ni boshqaruviga kelgan va yozda shartnomasini 2023-yilgacha uzaytirgandi.
Argentinalik mutaxassis ortda qolgan mavsumda klub bilan Fransiya Kubogi va Superkubogini qo‘lga kiritdi, shuningdek, mamlakat chempionatida ham g‘olib chiqdi. Chempionlar Ligasida esa jamoa 1/8 finalga qadar yetib bordi.
Izoh (0)