Krishtianu Ronaldu APLda yangi mavsum boshlanmasidan “Manchester Yunayted”ni tark etmoqchi

Krishtianu Ronaldu hamon “Manchester Yunayted”ni tark etishni xohlamoqda.

Portugaliyalik hujumchi mankunianliklarning APL 1-tur doirasidagi “Brayton”ga qarshi o‘yini oldidan jamoasini o‘zgartirish istagida.

Biroq agent Jorje Mendeshning mijozi uchun yangi jamoa topish uchun urinishlari kutilgan natijani bermayapti, deya xabar beradi AS.

37 yoshli futbolchiga hech bir jamoa aniq qiziqish bildirmagan. Mendeshning ro‘yxatida “Barselona”, “Atletiko”, “Chelsi”, “Bavariya” va “Napoli” kabi jamoalar o‘rin olgan edi.

Manbaga ko‘ra, Ronaldu yangi mavsumni “Manchester Yunayted” bilan boshlamaydi.

Avvalroq Krishtianu “Rayo Valyekano”ga qarshi o‘rtoqlik o‘yinida ishtirok etgani, biroq o‘yin tugamasdanoq stadionni tark etgani xabar qilingandi.