“Roma” hujumchisi Eldor Shomurodovga APL klubi qiziqish bildirmoqda.
Roma Press nashrining xabar berishicha, “Vulverhempton” 27 yoshli hujumchini o‘z safiga qo‘shib olmoqchi.
“Roma” bosh direktori Tiagu Pintu klub Shomurodovga qiziqish bildirayotgan jamoalarga futbolchini to‘liq transfer yoki sotib olish majburiyati bilan ijaraga berishga tayyor ekanligini ma’lum qilgan.
O‘zbekistonlik futbolchi mavsumoldi yig‘inlarda jamoa bosh murabbiyi Joze Mourinyoning ishonchini oqlamagan.
Avvalroq, “Bolonya” Eldorni 9 million yevro evaziga xarid qilish huquqi bilan ijaraga olmoqchi ekanligi xabar qilingandi.
Shomurodov 2021-yilning yozgi transfer oynasida 18 million yevro evaziga “Jenoa”dan “Roma”ga o‘tgandi. U “bo‘rilar”safida jami 40 ta o‘yin o‘tkazib, beshta gol va oltita golli uzatma amalga oshirdi.
Izoh (0)