Shavkat Mirziyoyev 29-iyul kuni Toshkent viloyati Yuqori Chirchiq tumanidagi “Astrum” akademiyasida IT sohasi vakillari bilan muloqoti davomida viloyat hokimlariga xuddi shunday IT akademiyalar tashkil etish topshirig‘ini berdi. Bu haqda prezident matbuot kotibi ma’lum qildi.
Davlat rahbari uchrashuv chog‘ida e’tiborni kuchaytirib, yoshlarga ozgina sharoit yaratib berilsa, bu sohani yanada yuqoriroq pog‘onalarga olib chiqish mumkinligiga ishonch bildirdi.
“Bugungi muloqotimizni o‘tkazish uchun “Astrum” akademiyasini bejizga tanlamadim. Bu yerda yuzlab yoshlar eng zamonaviy dasturlash ko‘nikmalarini egallayotgani, ayniqsa, o‘qish davomidayoq daromad topayotgani quvonarli, albatta.Viloyat hokimlariga bir oy muddatda bu yerga kelib, barcha sharoit va imkoniyatlarni ko‘zi bilan ko‘rib, o‘z hududida kamida 1 tadan shunday IT akademiya tashkil etish loyihasini boshlashga topshiriq berildi.Boshqa hududlarda ham bunday IT akademiyalar tashkil qilish istagida bo‘lganlarning tashabbuslarini har tomonlama qo‘llab-quvvatlaymiz, barcha masalalarini hal qilib beramiz”, dedi davlat rahbari.
Avvalroq Shavkat Mirziyoyev “Astrum” akademiyasida IT sohasi vakillari bilan muloqot qilayotgani haqida xabar berilgandi. Prezidentning ta’kidlashicha, IT kasblarni egallash yoshlar o‘rtasida trendga aylangan.
Izoh (0)