Ijtimoiy tarmoqlarda Labo yukxonasida bir fuqaro cho‘milgani aks etgan video tarqalib, ko‘plab muhokamalarga sabab bo‘ldi. Holat yuzasidan Toshkent shahar IIBB tomonidan tekshiruv o‘tkazilib, ushbu fuqarolarning shaxsi aniqlandi.
Unga ko‘ra, 1990-yilda tug‘ilgan Y.Q. boshqaruvidagi davlat raqami 10 F 167 ZA bo‘lgan Labo rusumli transport vositasi yukxonasida 1996-yilda tug‘ilgan Y.SH. jamiyatda yurish-turish qoidalarini mensimasdan, ustiga suv quyib, baqir-chaqir qilib, jamoat tartibini buzgan.
Mazkur holat bo‘yicha fuqarolarga nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) alomatlari bilan ma’muriy bayonnoma rasmiylashtirilib, jinoyat ishlari bo‘yicha Chilonzor tumani sudiga taqdim etilgan. Sud tomonidan ushbu shaxslarga 10 sutka ma’muriy qamoq jazosi tayinlandi.
Izoh (0)