Xarkov viloyatidagi janglar, Bahmutdagi yong‘inlar. Urushning 154-kunidan fotoreportaj
27-iyul kuni Xersondagi Dnepr daryosidan o‘tuvchi Antonov ko‘prigi harakatlanish uchun yopildi, ko‘prik ukrainalik harbiylarning HIMARS raketa tizimlaridan o‘qqa tutilgan edi. Oliy Rada Ukraina bosh prokurori lavozimiga Vladimir Zelenskiy tomonidan taklif qilingan Andrey Kostinning (“Xalq xizmatchisi” partiyasidan deputat) nomzodini qo‘llab-quvvatladi. Donetsk xalq respublikasi rahbari Denis Pushilin “rus xalqi tomonidan asos solingan” Ukraina shaharlarini “ozod qilishga” chaqirdi: ular orasida u Kiyev, Chernigov, Odessa va Xarkovni ham tilga oldi. Odessa, Chornomorsk va Janubiy portlari g‘alla eksporti uchun ishlashga qaytdi. Meduza Ukrainadagi urushning 154-kuniga oid asosiy suratlarini jamladi.
Xarkov viloyati
Chuguyev parkida artilleriya hujumlari sodir bo‘lgan taqdirda himoyalanish uchun beton bloklar va qum qoplaridan yasalgan inshoot. 27-iyul kuni tushdan keyin uch kun avval Rossiyaning o‘qqa tutishi oqibatida halok bo‘lgan uchinchi shaxsning jasadi vayronalar ostidan olib chiqildi. Snaryad Chuguyev Madaniyat uyiga tushgan edi.Foto: “Ukrinform”
Xarkovning Saltovka tumani aholisi nasosdan suv chiqarib yuvinmoqda. Saltovka muntazam ravishda Rossiya hujumiga uchramoqda. Ukraina ommaviy axborot vositalarining yozishicha, urushgacha bu hududda deyarli 200 ming kishi yashagan bo‘lsa, hozir ular mingdan kam.Foto: Anadolu
Ukraina Qurolli kuchlari askarlari Xarkov viloyatidagi front chizig‘ida rus qo‘shinlarini artilleriyadan o‘qqa tutishni boshlashdan oldin koordinatalarni tekshirmoqda. Amerika urushni o‘rganish instituti ma’lumotlariga ko‘ra, Xarkov shimolida shiddatli janglar davom etmoqda.Foto: AP Photo
Ukrainaliklar o‘ziyurar artilleriya majmuasidan rus qo‘shinlari tomon o‘q uzmoqda.Foto: AP Photo
Donbass shimoli
Ukrainalik o‘t o‘chiruvchilar Bahmut chekkasidagi turar joy binosiga raketa tushishi oqibatida yuzaga kelgan yong‘inni o‘chirishga urinmoqda. 27-iyul kuni ertalab rus qo‘shinlari shaharni o‘qqa tutdi. Zarba mehmonxonaga tegdi: ikki kishi halok bo‘ldi, bir kishi vayronalar ostidan qutqarildi, uch kishi yaralandi.Foto: AFP
O‘t o‘chiruvchilar Bahmutdagi uyda Rossiya zarbasidan keyin yuzaga kelgan yong‘inni o‘chirmoqda.Foto: Anadolu
Bahmutlik kishi shahar chetidagi yonayotgan uy yonidan mashinasida o‘tib ketmoqda.Foto: AFP
Zaporojye viloyati
Yulyevka qishlog‘idagi makkajo‘xori ombori Rossiya qo‘shinlarining raketa hujumidan vayron bo‘ldi. Zaporojye viloyati qisman Rossiya kuchlari nazorati ostida. Yulyevkani o‘z ichiga olgan Novoaleksandrovskiy jamoasi Ukraina Qurolli kuchlari tomonidan nazorat qilinadi.Foto: Reuters
Dnepr
Ukrainaning sharqiy viloyatlaridan kelgan qochqinlar yashayotgan uyning egasi 50 yoshli Galina Kocherga hovlisida aylanib yuribdi.Foto: Reuters
Mariupollik 19 yoshli Kseniya Kuzmyuk severodonetsklik 19 yoshli Valeriya Shandraga quyonni uzatmoqda. Ikkala qiz ham Galina Kocherganing uyida yashaydi.Foto: Reuters
Galina Kocherganing uyida yashovchi yana bir qochqin — mariupollik Anatoliy JukovFoto: Reuters
Galina Kocherganing uyida yashovchilar terassada suhbatlashib o‘tiribdi.Foto: Reuters
Xerson
Ikki kishi Dneprdagi Antonov ko‘prigiga qarab turibdi, ko‘prik fuqarolik harakati uchun yopiq. 26-iyul kuni kechga yaqin Ukraina Qurolli kuchlari ko‘prikni HIMARS raketa tizimlari bilan o‘qqa tutdi. Bu Dnepr orqali Xersonning chekka hududlarini viloyatning Qrimga tutashgan hududlari bilan bog‘laydigan yagona ko‘prik.Foto: Reuters
Xersonlik ayol ko‘cha bozorida sun’iy gullar va dafn gulchambarlarini sotadi. Ukraina Xerson viloyatidagi 600 dan ortiq aholi punktidan 44 tasini qaytarib olganini va sentabrgacha butun mintaqani ozod qilish mumkinligini ma’lum qilgan.Foto: Reuters
Izoh (0)