Mandarin va pomidor arzonladi, piyoz va guruch qimmatlashdi. O‘zbekiston bozorlarida iyul oyidagi narxlar qanday?

O‘zbekistonda 1—24-iyul kunlari bozorlarda qishloq xo‘jaligi va go‘sht mahsulotlarining ulgurji narxlari haqida ma’lumot berildi.

Ushbu vaqt davomida bozorda bulg‘ori qalampiri, mandarin va olma 2,5 ming so‘mga, kartoshka hamda karam 250 so‘mga, pomidor 500 so‘mga arzonlagan.

Shu bilan birga quyidagi mahsulotlarning narxi oshgan:

• kivi 8,5 ming so‘mga,
• limon 7,5 ming so‘mga,
• baqlajon 4,1 ming so‘mga,
• piyoz 3 ming so‘mga,
• turp 2,75 ming so‘mga,
• loviya va guruch (alanga) 1,5 ming so‘mga,
• piyoz 1,1 ming so‘mga,
• guruch (lazer) ming so‘mga,
• bodring va bulg‘or qalampiri (yashil) 500 so‘mga,
• lavlagi 250 so‘mga qimmatlagan.

Ushbu davrda umumiy qiymati 74,4 mln dollarlik (o‘tgan yilning mos davriga nisbatan 16 mln dollar ko‘p) jami 112,6 ming tonna (10,9 ming tonna ko‘p) qishloq xo‘jaligi mahsulotlari eksporti amalga oshirildi.

Xususan, mazkur davrda

• 15,6 ming tonna olxo‘ri,
• 12,9 ming tonna qovun,
• 10,9 ming tonna tarvuz,
• 8,5 ming tonna uzum,
• 7,2 ming tonna piyoz,
• 4,3 ming tonnadan loviya va sabzi,
• 3,4 ming tonna olma,
• 2,3 ming tonna anjir,
• 2,1 ming tonna shaftoli,
• 1,9 ming tonna quritilgan meva tashqi bozorlarga yetkazib berilgan.

Shuningdek, ushbu davr mobaynida 4,5 mln dollar (o‘tgan yilning mos davriga nisbatan 1,5 mln dollar ko‘p) qiymatdagi jami 7,5 ming tonna (1 ming tonna ko‘p) qishloq xo‘jaligi mahsulotlari import qilingan.

Ular orasida 2,8 ming tonna banan, 2,5 ming tonna kartoshka, 264,9 tonna apelsin, 163,7 tonna olma, 85 tonna limon mavjud.

“Qo‘yliq” bozoriga 1–24-iyul kunlari hududlardan jami 22,3 ming tonna, xususan, 7,8 ming tonna kartoshka, 9,6 ming tonna piyoz, 848 tonna karam va 4 ming tonna sabzi keltirilgan.

Hududlardan “Chorsu” dehqon bozoriga 1–24-iyul kunlari jami 227,3 tonna, shu jumladan 192,1 tonna mol go‘shti va 35,2 tonna qo‘y go‘shti keltirib sotilgan.