Hindistonning Bixar shtatida yashin urishi ortidan 20 kishi halok bo‘ldi, deb yozmoqda Daily Mail.
Shtat bosh vaziri Nitish Kumar mintaqadagi odamlarni xavfsizlikni saqlashga va hukumat tavsiyalariga amal qilishga chaqirdi. Shuningdek, u qurbonlarning oilalariga 400 ming rupiy (54,6 million so‘mdan ortiq) miqdorida tovon puli to‘lanishini ma’lum qildi.
Kumar mutasaddilarga elektr razryadlarini yerga yo‘naltiruvchi va boshqa narsalarga tushishining oldini oluvchi yashinqaytargichlar o‘rnatishni buyurdi.
Nashrning yozishicha, har yili minglab hindistonliklar yashin qurboniga aylanadi. 2019-yilda yashin urishi oqibatida 3000 ga yaqin odam halok bo‘lgandi. 2021-yilda Hindistonning Uttar-Pradesh, Madxya-Pradesh va Rajastan shtatlarida yashin bir kunda 70 kishining hayotiga zomin bo‘lgan.
Izoh (0)