Rossiya prezidenti matbuot kotibi Dmitriy Peskovning aytishicha, “Soxnut” tashkiloti bo‘limi bilan bog‘liq vaziyat va Isroil rahbariyatining bunga munosabati ehtiyotkor bo‘lishni talab qiladi. Bu haqda “Gazeta.ru” xabar berdi.
Isroil bosh vaziri Yair Lapid agar Rossiyada “Soxnut” yahudiy agentligi yopilsa, bu ikki davlat munosabatlariga jiddiy ta’sir ko‘rsatishi mumkinligini aytib, bunday holatda Rossiyaga qarshi sanksiyalar qo‘llanishi ehtimolini e’lon qildi.
Bunday vaziyatda ehtiyot bo‘lishimiz kerak. Tabiiyki, “Soxnut”da qonunchilikka rioya qilish borasidagi savollar tug‘iladi va holatni siyosiylashtirishning hojati yo‘q, biroq barcha tashkilotlar Rossiya qonunlariga rioya qilishi kerakligini bilishi lozim, — deya tushuntirdi Dmitriy Peskov.Avvalroq rossiyalik senator Vladimir Jabbarov Isroil hukumatini “Soxnut” bilan bog‘liq vaziyat tufayli o‘z bayonoti nutq ohangida “hayajonga berilmaslikka” chaqirgan edi.
2022-yilning iyul oyi oxirida Moskvaning Basmanniy sudi, Rossiya Adliya vazirligi Moskva boshqarmasining butun dunyodagi yahudiylar o‘rtasidagi munosabatlarni ta’minlash bilan shug‘ullanuvchi “Soxnut” agentligi filialini yopish hamda “repatriatsiya” (turli sabablarga ko‘ra vatanidan tashqaridagi harbiy asirlar, shuningdek, fuqarolik huquqi qayta tiklangan muhojirlarni xalqaro bitim va kelishuvlar asosida yurtiga qaytarish) masalalari haqidagi arizasini ko‘rib chiqishni rejalashtirgan.
Isroil tashqi ishlar vaziri Israel Hayomening so‘zlariga ko‘ra, u “Soxnut” yopilishi mumkinligi sababli yaqin kunlarda Rossiyaga qarshi choralar to‘g‘risidagi qarorni qabul qilmoqchi.
Mavzuga doir: Kreml: Putin kuzda xorijga bir nechta tashriflarni rejalashtirmoqda
Izoh (0)