Ҳиндистоннинг Бихар штатида яшин уриши ортидан 20 киши ҳалок бўлди, деб ёзмоқда Daily Mail.
Штат бош вазири Нитиш Кумар минтақадаги одамларни хавфсизликни сақлашга ва ҳукумат тавсияларига амал қилишга чақирди. Шунингдек, у қурбонларнинг оилаларига 400 минг рупий (54,6 миллион сўмдан ортиқ) миқдорида товон пули тўланишини маълум қилди.
Кумар мутасаддиларга электр разрядларини ерга йўналтирувчи ва бошқа нарсаларга тушишининг олдини олувчи яшинқайтаргичлар ўрнатишни буюрди.
Нашрнинг ёзишича, ҳар йили минглаб ҳиндистонликлар яшин қурбонига айланади. 2019 йилда яшин уриши оқибатида 3000 га яқин одам ҳалок бўлганди. 2021 йилда Ҳиндистоннинг Уттар-Прадеш, Мадхя-Прадеш ва Ражастан штатларида яшин бир кунда 70 кишининг ҳаётига зомин бўлган.
Изоҳ (0)