Xarkov va Odessa yana hujumga uchradi, front chizig‘idagi dalalarda hosil yig‘ib olinmoqda. Urushning 153-kunidan fotoreportaj
26-iyul kuni Rossiya qo‘shinlari Xarkov va Odessa viloyatlariga yana raketa hujumlarini boshladi. Ukrainada bedarak yo‘qolgan rus askarlarining yuzdan ortiq qarindoshlari Putinga murojaat qildi; ular yaqinlarini “hech kim qidirmayotganidan” tashvish chekmoqda. Ukraina dalalarida — to‘g‘ridan to‘g‘ri Rossiya o‘qlari ostida o‘rim-yig‘im kampaniyasi davom etmoqda. Meduza urushning 153-kunidan olingan asosiy kadrlarni jamladi.
Rostov viloyati
Bortiga Z harfi tushirilgan vertolyotlar Ukraina bilan chegaradagi Rostov viloyatida qabriston ustidan uchib o‘tmoqda. Bu yerdan unchalik uzoq bo‘lmagan joyda Taganrog-Markaziy harbiy aerodromi joylashgan.Foto: AFP
Xarkov viloyati
Ukraina sud-tibbiyot ekspertlari Xarkov viloyati Chuguyev shahridagi Madaniyat uyi vayronalari ostida halok bo‘lgan ayolning jasadi yonida turibdi. 26-iyul kuni Rossiya shaharga raketa hujumi uyushtirdi va kamida ikki nafar tinch aholi o‘limiga sabab bo‘ldi.Foto: AFP
26-iyul kuni qutqaruvchilar Chuguyevdagi Madaniyat uyi vayronalari ostidan Rossiya hujumi qurbonlaridan birining jasadini olib chiqdi.Foto: AFP
Xarkov yaqinidagi frontda ukrainalik artilleriyachi Amerika gaubitsasi M777 bilan turibdi.Foto: Anadolu
Donbass shimoli
“Vostok SOS” xayriya fondi ko‘ngillilari Toretskda yashovchi keksa ayolni evakuatsiya qilishga yordam bermoqda. 18-iyul, dushanba kuni rus qo‘shinlari Donetsk viloyatidagi ushbu shaharni o‘qqa tutgan va olti kishi halok bo‘lgan edi.Foto: Anadolu
Mariupol
Mariupollik baliqchilar “Azovstal” yaqinidagi portlatilgan ko‘prik ustida baliq ovlamoqda.Foto: “TASS”
“Azovstal” zavodi yaqinida yonib ketgan poyezd.Foto: “TASS”
Odessa viloyati
Odessa viloyatida 26-iyul kuni tongda Rossiya qo‘shinlari tomonidan raketa hujumi amalga oshirilgandan keyingi vayronagarchiliklar. Bir nechta shaxsiy fermalar vayron bo‘lgan va fuqarolik infratuzilmasi shikastlangan bo‘lsa-da, qurbonlar yo‘q.Foto: EPA
Kiyev viloyati
Kiyev viloyati, Obuxov yaqinidagi dalada ishlayotgan kombaynchi. 22-iyul kuni Rossiya va Ukraina Turkiya vositachiligida Ukraina g‘allasini eksport qilish bo‘yicha shartnoma imzoladi. Ukrainada hozir jangovar harakatlar davrida ham o‘rim-yig‘im kampaniyasi davom etmoqda, qishloq xo‘jaligi ishchilari o‘qqa tutilgan va deyarli front chizig‘ida joylashgan dalalarda hosilni yig‘ib olishga majbur bo‘lmoqda. Dneprbo‘yi viloyatida kombaynlardan biri Rossiyaning antitransport minasi tomonidan portlatib yuborildi, deya xabar qildi 26-iyul kuni viloyat kengashi rahbari Nikolay Lukashuk. Kombaynchi omon qolgan.Foto: EPA
Urushda ikki oyog‘idan, chap qo‘lidan va o‘ng qo‘lining 4 barmog‘idan ayrilgan 19 yoshli Ukraina qurolli kuchlari serjanti Daniil Melnik Kiyevda reabilitatsiyadan o‘tmoqda. Endi Melnik harbiy psixolog bo‘lmoqchi va armiyada xizmatni davom ettirmoqchi.Foto: Anadolu
Kiyevda 24-fevraldan beri frontda halok bo‘lgan ukrainalik askarlarning ismlari bilan fotosuratlari ilingan yodgorlik.Foto: AFP
Izoh (0)