Харьков ва Одесса яна ҳужумга учради, фронт чизиғидаги далаларда ҳосил йиғиб олинмоқда. Урушнинг 153-кунидан фоторепортаж
26 июль куни Россия қўшинлари Харьков ва Одесса вилоятларига яна ракета ҳужумларини бошлади. Украинада бедарак йўқолган рус аскарларининг юздан ортиқ қариндошлари Путинга мурожаат қилди; улар яқинларини «ҳеч ким қидирмаётганидан» ташвиш чекмоқда. Украина далаларида — тўғридан-тўғри Россия ўқлари остида ўрим-йиғим кампанияси давом этмоқда. Meduza урушнинг 153-кунидан олинган асосий кадрларни жамлади.
Ростов вилояти
Бортига З ҳарфи туширилган вертолётлар Украина билан чегарадаги Ростов вилоятида қабристон устидан учиб ўтмоқда. Бу ердан унчалик узоқ бўлмаган жойда Таганрог-Марказий ҳарбий аэродроми жойлашган.Фото: AFP
Харьков вилояти
Украина суд-тиббиёт экспертлари Харьков вилояти Чугуев шаҳридаги Маданият уйи вайроналари остида ҳалок бўлган аёлнинг жасади ёнида турибди. 26 июль куни Россия шаҳарга ракета ҳужуми уюштирди ва камида икки нафар тинч аҳоли ўлимига сабаб бўлди.Фото: AFP
26 июль куни қутқарувчилар Чугуевдаги Маданият уйи вайроналари остидан Россия ҳужуми қурбонларидан бирининг жасадини олиб чиқди.Фото: AFP
Харьков яқинидаги фронтда украиналик артиллериячи Америка гаубицаси М777 билан турибди.Фото: Anadolu
Донбасс шимоли
«Восток СОС» хайрия фонди кўнгиллилари Торецкда яшовчи кекса аёлни эвакуация қилишга ёрдам бермоқда. 18 июль, душанба куни рус қўшинлари Донецк вилоятидаги ушбу шаҳарни ўққа тутган ва олти киши ҳалок бўлган эди.Фото: Anadolu
Одесса вилоятида 26 июль куни тонгда Россия қўшинлари томонидан ракета ҳужуми амалга оширилгандан кейинги вайронагарчиликлар. Бир нечта шахсий фермалар вайрон бўлган ва фуқаролик инфратузилмаси шикастланган бўлса-да, қурбонлар йўқ.Фото: EPA
Киев вилояти
Киев вилояти, Обухов яқинидаги далада ишлаётган комбайнчи. 22 июль куни Россия ва Украина Туркия воситачилигида Украина ғалласини экспорт қилиш бўйича шартнома имзолади. Украинада ҳозир жанговар ҳаракатлар даврида ҳам ўрим-йиғим кампанияси давом этмоқда, қишлоқ хўжалиги ишчилари ўққа тутилган ва деярли фронт чизиғида жойлашган далаларда ҳосилни йиғиб олишга мажбур бўлмоқда. Днепрбўйи вилоятида комбайнлардан бири Россиянинг антитранспорт минаси томонидан портлатиб юборилди, дея хабар қилди 26 июль куни вилоят кенгаши раҳбари Николай Лукашук. Комбайнчи омон қолган.Фото: EPA
Урушда икки оёғидан, чап қўлидан ва ўнг қўлининг 4 бармоғидан айрилган 19 ёшли Украина қуролли кучлари сержанти Даниил Мелник Киевда реабилитациядан ўтмоқда. Энди Мелник ҳарбий психолог бўлмоқчи ва армияда хизматни давом эттирмоқчи.Фото: Anadolu
Киевда 24 февралдан бери фронтда ҳалок бўлган украиналик аскарларнинг исмлари билан фотосуратлари илинган ёдгорлик.Фото: AFP
Изоҳ (0)