Toshkent viloyati Ichki ishlar bosh boshqarmasi fuqaro Shohrux Shuhrat o‘g‘liga nisbatan qidiruv e’lon qilingani haqida ogohlantirdi.
Qayd etilishicha, Shahriyorov Shohrux Shuhrat o‘g‘li 1996-yilda Sirdaryo viloyatida tug‘ilgan. Millati o‘zbek. O‘zbekiston Respublikasi fuqarosi. Muqaddam Sirdaryo viloyati Guliston shahri N.Mahmudov ko‘chasida yashagan.
Aniqlangan ma’lumotlarga ko‘ra, u o‘zining Instagram’dagi sahifasida ekstremistik mazmundagi materiallarni tarqatib kelgan. Suriyaning Idlib shahriga jihod qilish maqsadida ketib, u yerda 40 kunlik (moaskar) boshlang‘ich jangovar tayyorgarlikdan o‘tgan.
Holat yuzasidan Shohrux Shahriyorovga nisbatan Jinoyat kodeksining 155-2-moddasi (terrorchilik faoliyatini amalga oshirish maqsadida o‘quvdan o‘tish, chiqish yoki harakatlanish) 1-qismi bilan jinoyat ishi qo‘zg‘atilgan. Hozirda unga nisbatan qidiruv e’lon qilingan.
Mavzuga doir:
- Surxondaryoda Suriyadagi xalqaro terrorchilik tashkilotiga qo‘shilmoqchi bo‘lgan 20 yoshli yigit ushlandi
- Toshkent viloyatida ekstremistik g‘oyalarni targ‘ib qilib, Suriyadagi jihodchilar oqimiga qo‘shilmoqchi bo‘lgan shaxs ushlandi
- Xalqaro terroristik tashkilotning g‘oyalarini O‘zbekistonda targ‘ib qilgan erkak qidiruvga berildi
Izoh (0)