Bahmutda vayron qilingan maktab. Severodonetskda yangi qabriston. Urushning 151-kunidan fotoreportaj
24-iyul kuni Rossiya tashqi ishlar vaziri Sergey Lavrov Rossiya “ukrain xalqiga xalqqa va tarixga qarshi rejimdan qutulishda yordam berayotgani” haqida gapirdi. Ukrainadagi urushning besh oyi davomida Rossiya bilan hamkorlik qilish bo‘yicha mingdan ortiq ish ochilgan. “TASS” ma’lumotlariga ko‘ra, urush boshlanganidan beri Rossiyaga Ukrainadan 2,8 million kishi ko‘chib kelgan. Vladimir Zelenskiy ular majburan olib ketilganini aytdi. Donbassda Ukraina tomonidan jang qilgan ikki amerikalik, shuningdek, Kanada, Shvetsiya va Polsha fuqarolari halok bo‘ldi. Meduza urushning 151-kuniga oid asosiy fotosuratlarni taqdim etdi.
Chernigov viloyati
Chernigov viloyati, Yagodnoye qishlog‘idagi Madaniyat uyida djyey musiqa sadolari ostida Rave Cleanup — vayrona va chiqindilarni tozalash tadbiri o‘tkazilmoqda. Tadbirni Repair Together ko‘ngillilar guruhi tashkil qilgan: ular harbiy harakatlar oqibatida vayron bo‘lgan qishloqlar bo‘ylab safar qiladi va mahalliy aholiga vayronalarni tartibga keltirishda yordam beradi.Foto: Getty Images
Madaniyat uyida Rave Cleanup tadbirini o‘tkazayotgan Repair Together ko‘ngillilari .Foto: Getty Images
Foto: Reuters
Foto: Getty Images
Yagodnoye Kiyevdan 140 kilometr shimolda, Chernigov yaqinida, Belarus chegarasidan unchalik uzoq bo‘lmagan hududda joylashgan. Qishloq 2-aprel kuni Ukraina qo‘shinlari uni ozod qilguniga qadar qariyb bir oy Rossiya armiyasi nazoratida edi. Aprel oyi boshida ma’lum bo‘lishicha, rossiyalik harbiylar 25 kun davomida mahalliy maktab yerto‘lasida qariyb 130 kishini ushlab turgan.Foto: Reuters
Zaporojye viloyati
Rossiya qo‘shinlarining zirhli kolonnasi Zaporojye viloyatining Rossiya nazoratidagi qismidan o‘tmoqda. Rossiya armiyasi mart oyi boshida mintaqadagi bir qator aholi punktlarini nazoratga olgan edi.Foto: Reuters
Donbass shimoli
Severodonetsk aholisi otishmalar qurbonlari dafn etilgan yangi qabristonda o‘z yaqinlarining qabrini qidirmoqda. Iyul oyi boshida Severodonetsk ustidan nazorat rossiyaparast kuchlar qo‘liga o‘tdi.Foto: “TASS”
Severodonetskda yashovchi ayol idishlarini hovuz suvi bilan to‘ldirib olgan. Ayni paytda shahar infratuzilmasi deyarli butunlay vayron bo‘lgan, u gumanitar inqiroz yoqasida.Foto: “TASS”
Soledardagi huvillab qolgan bozorda o‘tirgan sotuvchi. Iyul oyi o‘rtalarida LXRning rossiyaparast qo‘shinlari Lisichanskdan 46 kilometr uzoqlikda joylashgan Soledar chekkasiga kirgani ma’lum qilingandi.Foto: AFP
Bahmutda o‘qituvchi o‘zi ishlagan maktabning kiraverishiga kichik Ukraina bayrog‘ini ilmoqda. Rossiya qo‘shinlari shahar bo‘ylab yurishda davom etmoqda, oxirgi marta 24-iyul kuni ertalab shahar o‘qqa tutilgan. Qurbonlar yo‘q.Foto: AFP
Bahmutda o‘qituvchi Rossiya aviazarbalariga uchragan maktab vayronalarini tozalamoqda.Foto: Anadolu
Bahmutdagi vayron bo‘lgan maktab sinfxonasi.Foto: Anadolu
Bahmut shahrida gumanitar yordam olish uchun kelgan keksa ayol.Foto: Anadolu
Tibbiy yordam xodimlari yaralangan odamni Bahmutdagi tez yordam bo‘limiga olib ketmoqda.Foto: AFP
Izoh (0)