Bagama orollari yaqinida muhojirlarni olib ketayotgan qayiq ag‘darilib ketishi oqibatida kamida 17 kishi halok bo‘ldi. Bu haqda Bagama ma’muriyatiga tayanib, Reuters xabar bermoqda.
Qutqaruvchilar 17 kishining jasadini topgan: 15 nafar ayol, bir erkak va bir bola.
Nashr ma’lumotlariga ko‘ra, 25 kishi qutqarilgan, ulardan uch nafari shifoxonada, 20 nafari immigratsiya xizmatiga o‘tkazilgan.
Axios xabariga ko‘ra, qayiq Nyu-Providens oroli yaqinida dengizda ag‘darilib ketgan. Hodisa joyida qidiruv-qutqaruv ishlari davom etmoqda, chunki bortdagilarning ko‘pchiligi bedarak yo‘qolgan. Dastlabki tergovga ko‘ra, qayiqda 60 ga yaqin odam bo‘lgan. Qayiq Mayamidan yo‘lga chiqqani taxmin qilinmoqda.
Iyun oyi oxirida AQSHning Texas shtati San-Antonio shahrida ichida 46 kishining jasadi bo‘lgan yuk mashinasini topilgan edi, yana 16 kishi mashinadan chiqarib olingan va shifoxonalarga jo‘natilgan. 18 g‘ildirakli yuk mashinasida odamlar konditsionersiz va suvsiz qolib ketgan. Ayollar, erkaklar va o‘smirlar issiq urishdan vafot etgan.
Izoh (0)