Ўзбекистонда 23 июль куни ҳам ҳаво ҳарорати юқори бўлади

«Ўзгидромет» 23 июль куни кузатиладиган об-ҳаво маълумотини эълон қилди.

23 июль куни Ўзбекистонда ҳаво ҳали ҳам иссиқ бўлади. Максимал ҳарорат 40–45 даража атрофида, жанубда ва чўл зоналарида баъзи жойларда 47 даражагача бўлади.

Қорақалпоғистон ва Хоразм вилояти аҳолиси нисбатан салқин ҳавони ҳис этадилар, ушбу ҳудудларда кундузи ҳарорат 37–42 даражагача пасаяди. Республика бўйича баъзи жойларда шамол 17–22 м/с гача кучайиши, айрим жойларда чанг–тўзонлари билан кузатилиши мумкин. Фарғона вилоятининг тоғ олди ва тоғли ҳудудларида гляциал (муз) сел-сув тошқин ҳодисалари юзага келиши мумкин.

Пойтахтимизда ҳаво қуёшли бўлади. Шамол 3–8 м/с тезликда эсади, кечга томон 10–12 м/с гача кучайиши мумкин. Ҳарорат 41–43 даража атрофида сақланиб туради.

Тоғли ҳудудларда ёғингарчилик кутилмайди. Шамол 7–12 м/с тезликда эсади, баъзи жойларда 15–20 м/с гача кучайиши мумкин. Ҳарорат кундузи 32–37 даража бўлади.